Czwarty grudnia. Barbórka. Dzień Górnika! Old_rysiowi i jego kamratom od czarnej roboty - wszystkiego najlepszego! A skoro święto, kapka uśmiechu nie zaszkodzi. Niech więc nikogo tu nie zdziwi śląska wersja znanej bajki Aleksandra Fredry. Na dole się fedruje, ale ryby na pewno łowi się na górze...
Uwe a Wili
Uwe a Wili w jednyj stali wilii
Uwe na wiyrchu a Wili na dole.
Uwe nikaj niy wadził nikomu
Wili wyrobioł choby we stodole.
Lotoł, tyrpoł, trzaskoł drzwiami
to pies, to hazok, ciepoł w nich ryczkami.
A kiedy zaczon szczylać z glacpatronów
i dymu było pełno w cołkim domu
Uwe sie wnerwił, szloz na dół do niego i pado:
Wili, jo niy szczimia tego!
A tyn mu pado: co komu do jemu, do jymu co komu,
ty pieroński giździe, jo je w swojim domu.
Uwe sie ino po gowie poszkroboł, poszoł na góra i coś medytowoł.
Rano Wili na szeslongu chrapie,
a tu ze gibzdeki coś na kichol kapie.
Wnerwił sie, zerwoł, leci ku górze - klup, klup, zawarte, doł loku ku dziurze...
Herr Jezu! Cołki pokój w wodzie, a Uwe z wyndkom siedzi na komorze.
Was maks du, Uwe?
Fisza sobie łowie!
Du bis idjot! Mie leci po gowie!
A tyn mu na to: co komu do jemu, do jymu co komu,
ty pieroński giździe, jo jest w swojim domu.
Szczyńść Boże wszystkim górnikom!
Spamiyntoł: Sazan
